性別戰女將軍

女人打 gender war，打咗幾百年了。娛樂圈...

性別戰女將軍

女人打 gender war，打咗幾百年了。娛樂圈政壇男人唔爭氣，坐擁權力卻用下面思考；有頭有面但係心理變態，仲要扭曲同女星之間嘅從屬關係，嘔心至極。

嚟到2017年，仗仲有排打，但係女人總算開始一步一步收復失地，one battle at a time。男人權力核心雖然仍牢不可破，但係燎原星火一點，接十連百嘅性侵瘡疤，揭之不盡。就算位高權重，都可以響幾日之內身敗名裂。暫時打唔贏班PK，起碼由而家開始點都要忌班阿姐三分。

意識形態就係一樣咁有趣嘅東西。四位英雄，鬼哥打從心底覺得好型好勁。留意，Rey係2015年12月登場，羅拉就2018年3月上映。兩年多「看上」四位女性英雄人物，我就唔記得曾經試過喇。

革命未必由荷里活開始，但係往往係荷里活展現。呢兩年明顯係娛樂圈性別戰嘅轉捩點。你要記住，呢個generation嘅少女，全部都係睇呢幾位烈女長大，個個心中都有位超級女俠，個個硬淨敢言，肯定絕對唔好惹。往後年代甚至世紀，一大個girl power巨浪擒過嚟，男人係冇可能招架得住的。

飾演英雄，你就係英雄。cut咗機之後，時刻都要為下N代做個好榜樣。

最後想講，男人們唔洗驚嘅。堂堂正正，做個正直嘅人，同女人一齊贏。

#星球大戰 #StarWars #GhostInTheShell #攻殼機動隊 #WonderWoman #神奇女俠 #TombRaider #盜墓者羅拉 #GalGadot #DaisyRidley #ScarlettJohansson #AliciaVikander #GirlPower #MeToo

---